VLADIMIRUS

VLADIMIRUS

ex filiis Suatoslai, Graecis Sphendostabli dicti, de quo vide supra, voce Olha: solus fratribus superstes, Russiae Monarcha factus A. C. 976. iun xit sibi Annam Basilii Imepratoris siliam et Graecos ritus in Russiam introduxit A. C. 989. Urbem Uladimiriam condidit, sede Imperii in ea collocatâ. Obiit A. C. 1005. relictis XII. filiis, quibus totidem ducatus obtigêre; inter quos praecipui duo, Kiovia, sedes Russiae Nigrae, et Uladimiria Russiae Albae, postmodum facta: donec hinc Susdaliam primo, tandem Moscoviam, sedes Regni translata est, a Georgio, A. C. 1325. Ad hunc tamen usque diem Uladimiria primum in magni Ducis titulis locum obtinet, secundum demum Mosocovia. Georg. Hornius, Orb. Imper. cum Animadv. L. Iuachimi Felleri, p. 374. et seqq.